RX 6600xt ASUS Rog Strix كرت شاشه

بسم الله والصلاة والسلام على رسول الله

كرت شاشه RX 6600xt من ASUS اصدار ROG STRIX بحاله ممتازه.

الكرت على الشرط. تعال وجب كمبيوترك معك جربه وسو بدال ال Stress test الواحد عشره (بدون كسر سرعات او شي يضره). اذا تبي تتأكد الكرت يتوافق مع القطع وانو راح يشتغل معك زي ما قلت جب كمبيوترك معك ولك بدال الساعه عشر. ابد لا تمشي الا مقتنع ومتاكد.

أهم شي اذا تبي تجرب معك من الصباح إلى صلاة العشاء. بعد صلاة العشاء لا تجي لاني في الغالب انام بدري ولا اقدر اتأخر عشان تجربه بهالوقت.

انا ساكن في الخرج. اذا انت بالرياض ولا تقدر تجي وتبيني اقابلك في الدار البيضاء او العزيزيه بأقصى حد بجيك بس ما راح انتظرك تجرب. توصلني الحواله اسلمك الكرت. او تعطيني كاش اعطيك الكرت. واذا منت في الرياض وتبي اشحنه لك عادي. حول لي قيمة الكرت ورسوم الشحن واشحنه لك.

كمساعده مني اذا ما تعرف مره بالكمبيوترات وتبيني اساعدك ابد لا تشيل هم ما يحتاج توديه محل او اي شي. اتاكد لك من توافقه واوريك كيف تنزل الألعاب او البرامج. حتى لو تبي اثبت لك عليه Linux او اثبته مع ويندوز راح اساعدك فيها. واذا تبي تطوره بقطع ابد جب القطع واركبها لك.

من ناحية الضمان ما اذكر الصراحه متى بالضبط شريته. بس اتوقع يا باقي فيه كم شهر او على نهايته. ما اتوقع مر عليه سنتين. بس الكرت ما عمره انفك او شكى من اي شي. والكروت بالعاده ترى تعيش سنين. وهذا اصدار Rog Strix غني عن التعريف مراوحه وجودته هي الأفضل.


من ناحية السعر راح ابيع لأعلى سوم. بس لا أحد يجيني يسوم بسعر سيء. ابحث عن Rog Strix قبل تسوم. اذا ما جاب سعر زين خليته عندي لو اعلقه زينه.

سبب البيع ما احتاجه عندي غيره.

يرجى التواصل عن طريق الواتس كي ارد عليك سريعا

عمولة الموقع (واحد في الميه) على المشتري